Salatut Tasbeeh Namaz ka Tareeka Aur Salatul Tasbeeh ki Hadees ka Sanad ki Tehqeeqi Jaiza

 

Salat-ul-Tasbeeh Ada Karne Se Allah Ta’ala Aap Ke Agle, Peechhle, Qadeem, Jadeed, Jaan Boojh Kar Kiye Gaye, Chhote, Bade, Chhupe Hue Aur Zahiri Tamaam Gunahon Ko Maaf Farma Deta Hai.

Hadees : Abdullah Bin Abbas razi Allaahu anhu se marwi hai ke Rasool Allaah sallallaahu alaihi wasallam ne Hazrat Abbas bin Abdul Muttalib razi Allaahu anhu se farmaya: Ae Abbas ! Ae Chacha Jaan! Kya mai aapko Ek hadiya (tohfa) na du?
Atia ya tohfa na du?  Kya mai aapko Dus baat na sikha du.
Jab aap in par amal karenge to Allaah Aap ke agle ,peechle, Qadeem wa Jadeed Khata(gunah), Jaan booj kar, chote Bade, Chipi hui aur Zahiri sab Gunaho ko maaf farmadega.

Dus baatein ye hai ke-

Aap Chaar rakatein padhein.

Har Rakat me Aap Surah Fatiha aur Ek Surah padhein. Baad Jab Aap pahli rakat me Qirat Se faarigh hojayein aur Qayam me ho to 15 baar ye Tasbih padhein

*Subhanallaahi walhamdulillaahi wala ilaha illallah wallaahu Akbar.*

Phir Ruku karein aur Halat Ruku me Dus baar yahi tasbih padhein

Phir Ruku se sar uthaye aur Dus baar yahi tasbih padhein.

Phir Sajda karein aur Sajde me Dus baar yahi padhein.

Phir Sajde se sir oothaye to yahi Dus baar padhein

Phir dusra sajda karein,to usme bhi dus baar padhein.

Phir Sir oothaye to Dus baar padhein.

Har rakat me 75 Tasbihat huein.

Aur Aap chaar rakato me aise hi karein. Agar Himmat ho to har roz padha karein. Agar Har roz na padh sakein to Har haftein me ek baar padhein, agar har hafte me na padh sakein to ek mahine me ek baar padhein. Agar ye na kar sakein to Saal me ek baar padhien. Agar saal me bhi na padh sakein to apni zindagi me ek baar padhlein

Zubair Ali Zai Rahimaullah Farmate hai:-
Lehaza ye Hadees Sahih hai .
Aur iska matan(Text) Pahli Hadees (Abu Dawood: 1297) ki tarah hai.

Zubair Ali Zai Rahimaullah Salatut Tasbih Waali rawayat ko SAHIH LIGHAIRIHI qarar dete hai

Aur Likhte hai: 

Is Hadees ko in Imamo ne Sahih ya Hasan qarar diya hai-

Shaikul Islam Abdullah Bin Mubarak

Abu Dawood

Imam Al Aajuri

Khatib Baghdadi rahimaullah

Abu Sa’d Samaa’ni rahimaullaah

Abu Musaa Al Madini rahimaullah

Hafiz A’laayi rahimaullah

Hafiz Al Bulqaini rahimaullaah

Hafiz Ibn Nasiruddin Al Damishqi rahimaullah

Inhone bhi Maqbool qarar diya hai-

Imam Ibn Salah rahimaullah

Imam Ibn Munda rahimaullah

Hafiz Al Munzari rahimaullah

—————————–

Salatut Tasbeeh hadees ko “Saheeh” Kehane wale Muhaddaseen Niche Diye Gaya hai

1. Abu Dawood, 2.Ibne Hajr Asqlani (Anukat vol.2 pg.848-850 3. Al-Aajari, 4. As-Sum’aani, 5. al-Madini, 6. al-Mundthiri, 7. Abul-Hasan al-Mundthiri, 8. Ibn As-Salaah, 9. Ad-Dailami, 10. Al-Haakim, 11. Al-A’laali, 12. Az-Zurkashi, 13. Al-Muhaamili, 14. Abul-Hasan al-Muqdasi, 15. al-Juwaini, 16. Al-Baghawi, 17. Ar-Ra’fiee’, 18. Al-Haitami, 19. As-Su’youti, 20. Al-Luknawwi,

Aaj ke dour Mein Bade Muhaddaseen bhi is Hadees ko “Hasan” kaha

1 Muhaddase Azam Shiekh Nasiruddin Albani ne is hadees ko “Hasan” kaha {sahih al taghrib wa tarhib}

2.Muhaddis SHAKIR ne bhi is hadees ko saheeh kaha.

3.SHEIKH. MUBARAKPURI Ne is hadees ko Hasan kaha[Mura’at al mufa teh Sareh Miskat Al musabiya jild-4 safa-374 .}

4.Muhaddis Shieik Zubair Ali zae bhi Iss hadees ko Hasan kaha ” [Sunnan Abu Dawud, Published by Dar us Salam, Volume No.2, Page No. 96

Scan :

————————-

Muhaddaseen Aur Ulama ke Opinion kya hain salatul Tasbeeh ke bareme

1. Imam Tirmizi kehte hy Zyadase Ulama me aur Unme se Abdullah Bin Mubarak Is salatul Tasbeeh ka namaz ko kayal the (Tirmidhi vol.2 pg.348; Hadith 481

2. Imam Baihqi kehte hy ke A Salatul tasbeeh ka Namaz ( Muhaddis ) Abdullah Bin Mubarak ka amal tha aur salaf me bhi a amal tha (Shu’ubul Imaam vol.1 pg.427; Ilmiyyah)

3.Allaamah Munzhiri (RA): Imam Munziri Salatut Tasbeeh Namaz ke Bareme Farmate Hain : Yeh Hadees Muta’addad Turuq Se Sabit Hain Sahaba kiraam ki ek Jamat bhi ise Rivaayat Kiya Hain. Isi Tarah Huffaz ki ek Jamat bhii ise Laayi Hain Jin mein se Hafiz. Abu Bakr Al- Aajiri aur hamare Shaikh Abu Muhammad Abdur Raheem Al – Misri Aur Abul Hasan Al Muqaddasi bhi Hain ,

Abu Bakr bin Abu Dawood ka bayan Hain ke mein ne iss hadees ko Apne baap se Suna aur mein ne isse badh kar Namae-e-Tasbeeh ki Rivayat mein se Kisi aur Rivayat Ko Ziyadah Saheeh Nahi Paaya.

Isi Tarah Imam Muslim ka Bayan Hain ke Namae-e-Tasbeeh ki Jitni bhi Rivayat Hain Un mein se hazart Akramah Waali ( yeh ) Rivayat Bahut Hi Umadah aur Saheeh Hain aisi iss baab mein kisi aur Rivayat ki Saheeh Nahi Hain.

{ Targheeb wattarheeb : 1/528 }

4. Imam Muslim ne farmaya: Is mamle mein Rawiyon ke sahih sanad ke saath isse(yani Ibn Abbas ki riwayat se ) behtar koi hadees nahi hai. {Al-Irshaad Lil Khalili, Jild no.1, Safa no.327, Sanad Shahi}

5. Imam Suyuti kehte hy 20 jalilul Qadr Muhaddaseen bhi Is hadees ko sahii kaha wo a log hy 6) Hafiz Abu-Sa’eed al-Sam’aaniy, 7) Hafiz Khateeb al-Baghdaadiy, 8) Hafiz ibn-Mandah, 9) Imaam Bayhaqi, 10) Imaam al-Subkiy, 11) Imaam al-Nawawiy, 12) Haafiz ibn al-Salat, 13) Hafiz Abu-Musa al-Madiniy, 14) Hafiz al-Alaaeiy, 15) Imaam Siraaj-ud-Deen al-Bulqiniy, 16) Hafiz al-Zarkashiy and a few others. (al-Laalil Masnoo’ah vol.2 pg.42-44)

6 Ibne Hajr Asqlani kehte hy Ahmed Bin Hambal ne Unke Ray(Opinioun) Ko Baad me Ruzu karliye the Futuhaat al-Rabbaaniyyah vol.4 pg.318, 320)

7. Muhaddis Zubair Ali Zai rahimaullah kahte hai-

“Iski Sanad me koi Inqata,Illat ya Shuzuz nahi hai, (aur tamam raawi siqa hai) ,lehaza ye hadees Hasan hai. “

8. Shaykh.Maqsoodul Hasan Faizi Salatut Tasbeeh ke hadees ke bareme kehte hain :

Mere Tehqeeq ke Mutabiq ye hadees sehat ko pahunchti hain. Qibaarul Muhaddaseen iss Hadees saheeh maana Hain. Agar koyi Amal kiya to usko Biddat Nahi kehsakte..

1. Shaikh Maqsoodul hasan Faizi

2. Shaikh Inyatullah Madani

3. Sheikh Abu Shuraih Umar Farooq

ISI Tarah ke Mazeed Articles Aur Videos ke Liye Hamara Whats App Channel ko Visit Karke Follow Karen :

CLICK HERE

Aur

JOIN OUR TELEGRAM CHANNEL (For All) – LINK : CLICK HERE